Tulad ng palagian ng nagaganap
Tunggalian ng puso ko't hinagap
Sa twina nama'y katawan ko ang tumatanggap
Ng pagmamahal na mapagpanggap.
Ilang araw ng binabayo ng ulan ang bubong ng bahay
Ilang damit na rin ang hindi maisampay
Sa malamig na gabi'y wala namang kaagapay
Kundi ang kumot kong nawalan na rin ng kulay.
Ilang mukha na rin naman ang nakita
Pilit ipininta gamit ang mata
Kulay at kinang mong pilit ginagaya
Nagpapamukhang wala namang kwenta ang kanta.
No comments:
Post a Comment