Paano ko ba aamining nawawala ako...

Nakakita ako ng madaming daan,
Iba't iba ang tinatahak ng tao.
Pero naiiba ata ang pinili ko.
Paano ko ba sasabihing nawawala ako?


Ang dami nang nanyari sa buhay ko.
Ilang beses na ding nangako at nanloko,
Sabi nang diretso, pero lumiliko!
Paano ko ba sasabihing nakakalimot ako?


Hindi na ata ako halos humihinto,
Akala nila hindi ako marunong sumuko,
Pero sa napakagulong larong ito,
Paano ko ba ipapakitang napapagod din ako?


Nakapaskil na din kasi sa mukha ko,
Baka lang naman inaakala ninyo,
Na ang ngiting ito'y totoo,
Paano ba kayo maniniwalang nalulungkot ako?


Takbo lang nang takbo hanggang sa dulo.
Ibuhos mo lang ng todo todo,
Pero ang balon ding ito'y natutuyo,
Tulad nang sinabi Nya'y.. "Nauuhaw ako!"


Wag mo na akong paghanapan ng kung ano ano,
Malapit na nga atang maging siraulo,
Ginawa ko naman lahat para makuntento,
Ang sarap ipagsigawang, "Nawawalan din ako!!!


Hindi na ako iiyak, kung luha ko'y dugo.
Nakakasilaw ang liwanag sa malayong dako.
Kung lalapitan mo'y nakakapaso.
Sa liwanag at dilim, nasisilaw ako...


Kung may katotohanan man sa mundo,
Kung kaligayahan mang maituturing ito,
Nagmahal pa rin kahit nabalo,
Masasabi ko lang, Buhay pa rin ako..


-May 13 2009 1:41pm