Heto na naman..
Ang isang gabing dala ng saliwang body clock.
ilang oras ka bang late..
alas dos na oh..
di ba dapat inaantok ka na..
Nagiisip ka na naman ba?
Ay, oo nga pala, naglaro ka nga pala..
Ansaya noh, parang hindi ka nagsayang ng oras..
Pero malapit na,
ang kinatatakutan mong oras,
yung minuto bago ka tuluyang makatulog.
Unti unting papasok sa isip mo lahat ng alalahanin,
lahat ng emosyon,
na kinalimutan o pinilit mong sinantabi sa buong maghapon.
Magbabalik, sandaling daraan sa magulo mong utak,
saka ka lang makakatulog.
Paano nga ba magpahinga
kung hindi ka naman pagod.
Sabagay,
nakakapagod tumunganga,
nakakapagod maghintay,
nakakapagod umasa.
Sana nadaan din sa tulog ang ganung klaseng pagod.
Tingnan mo, ni hindi ka pala lumabas ng bahay buong maghapon,
kahit ata makatapak sa labas ng gate hindi mo ginawa.
Nakalimutan mo ba?
Gaano na ba kahaba yang ginagansilyo mo?
At least nga naman,
pag sinulid at hook ang harap mo,
nakakalimot ka na.
Parang droga,
o pag inom,
nakakaadik yan,
nakakaadik tumakas.
Pero hindi ka naman palaging ganyan,
kaya ayos lang di ba?
Oo naman!
Bukas makalawa magbabago din kapalaran mo..
Bukas, magiging tambay ka din..
Yehey! tambay! biruin mo yun!!
Anong oras mo na naman balak bumangon bukas?
Uubusin mo na naman sa paghihintay?
Nako ah..
Paano pag di na dumating yung hinihintay mo?
Nako ha..
Bilib na talaga ako sa yo...
Matulog ka na nga lang..
Teka, naligo ka na ba?
try mong maligo, para mapresko..
Bago naman ata ang punda at kobrekama..
Dali na..
Tulog na!
Tulog na.. Mamaya patulugin pa kita..
takte?! ipagtitimpla pa ba kita ng gatas?????
-April 15 2009 2:07pm
No comments:
Post a Comment