Ang Hiling, Ang Pagnanais. Ang Pagtangis.

Kung may isang makapipigil
sa pag-agos ng dagat patungo sa ilog
Tulad ng pag-agos ng buhay sa mundong ibabaw.
Gugustuhin nya kayang pigilin
ang pag-agos ng buhay
o kaya'y ang pagsikat ng araw sa silangan?


Kung ang bawat pagluha'y
may katapat na kaligayahan
at ang bawat ngiti'y naghahatid ng sakit sa ilan
Gugustuhin mu bang maging maligaya,
at ang iba'y maligalig sa pagkawala ng pananalig?
Sa bawat luhang pumapatak kasiyahan sa iba
Ngunit kailan ka ba magiging maligaya?



Sa pagpatak ng ulan sa lupang tigang
Naghahatid ng ligaya
sa mga pusong pinagkaitan.
Gaano nga kadalas ang ulan
sa mundong walang patutunguhan
mauutusan ba ang pagpatak
upang sa iba'y maghatid galak
o maghihintay na lang
hanggang sa mapahamak?



-April 30 2008, 1:09 am